مقدمة
بعد أن نشر الشيخ عبد الله رشدي منشور على صفحته على موقع “فيس بوك” جاء فيه:
” يحرم على المرأة أن يمسها من لا يحل لها، سواء كان فَنَّاناً أم غَنَّاماً،فالله لم يبح للنساء أن يَحْتَضِنَهُنَّ الفَنَّانون”
رد عليه د خالد منتصر بقوله:
” سؤال لو كان اشتراها من سوق الجواري من ١٤٠٠ سنة أو سباها في الحرب كنت فضيلتك وافقت وكان الوضع حلال الحلال ، وساعتها ماكانش حيبقي حضن بس ؟؟!، زي ماوافقت علي زواج الطفلة ذات الست سنوات بشرط أن تكون مربربة !!؟،وأعتقد انك ممكن ترحب وتوافق بالموقف ده بس بشرط تطبيق رضاع الكبير المسموح به شرعاً لحين حسم الخلاف البسيط هل هو رضاع من الحلمة أم من الإناء !!.”
ليأتي رد الشيخ عبد الله رشدي في هذا المقال:
١/الجواري انتهوا من زمان، ومعندناش في الإسلام حاجة تبيح الأحضان بين واحدة وواحد مش زوجها تحت أي بند، والمفروض إن حضرتك تكون فاهم دا وتساعد الشباب على الفضيلة والالتزام بدينها، لأن حضرتك مش كاهن ولا معاك تفويض إلهي علشان تحلل الحضن اللي بيسموه بريء!
٢/أما الزواج فأنا فاكر قلت لك قبل كدا إن ملوش سن محدد، دا عادات وتقاليد، بشرط عدم الضرر على البنت أو الولد، والطفلة المربربة دي من كلام بحيري مش كلامي، لأن معندناش معاشرة أطفال في الإسلام.
- ارتفاع حصيلة الشهداء في قطاع غزة إلى 72,549 والإصابات إلى 172,274 منذ بدء العدوان
- فيديو.. الداخلية تعلن ضبط خلية إرهابية تضم قادة من حركة حسم الإرهابية
- الداخلية: مصرع عنصرين بحركة حسم الإرهابية
- إيران تستلم خطة واشنطن لإنهاء الحرب وإسرائيل تصادق على استدعاء مئات آلاف جنود الاحتياط
- تمهيدًا للمصادقة النهائية: لجنة في الكنيست تقر مشروع قانون الإعدام للأسرى الفلسطينيين
- “بن غفير” يقتحم الأقصى في أول جمعة من رمضان ويعقد اجتماعا أمنيا داخله
٣/ورضاع الكبير دا حالة فردية وكانت من الإناء وانتهت خلاص بنص الحديث، فمفيش حاجة اسمها واحدة ترضع زميلها في الشغل زي ما بترضع طفلها كدا، لأن المعتمد في التراث الإسلامي عكس كدا تماماً وبنص الحديث!
٤/ولو عندك مشكلة مع السبي، فالسبي موجود قبل الإسلام بصور عنيفة، في كل الحضارات والديانات، يعني مش الإسلام اللي اخترعه، وفضل العالم كله يمارسه لغاية ١٠٠ سنة فاتت!
والإسلام كان بيتعامل بالواقع الموجود معاملةً بالمثل، ومع ذلك كان أول دين يحث على عتق الرقاب، وأول دين يضع نظام إنساني ويعترف بحقوق السبي!
٥/ياريت تقرأ كلام الكتاب المقدس اللي بيقول: ” و إذا رأيت في السبي امراة جميلة الصورة و التصقت بها و اتخذتها لك زوجة، فحين تدخلها إلى بيتك تحلق رأسها و تقلم أظفارها”
ومعاه النص دا كمان من الكتاب المقدس: “حين تقرب من مدينة لكي تحاربها استدعها إلى الصلح، فإن أجابتك إلى الصلح و فتحت لك فكل الشعب الموجود فيها يكون لك للتسخير و يستعبد لك”
٦/أنصحك تقرأ النصوص دي بعناية هتعرفك كتير عن السبي، وحاول يا دكتور تجتهد في مجالك أفضل، بدل ما تتكلم في اللي متعرفوش فتقع في تناقض رهيب، وتظهر للناس بصورة وكأنك كاره لدينه ومتهكم عليه!
وطبعاً إحنا كلنا عارفين إنك مش كدا.
